sisindiran paturay tineung p2

Naskah sisindiran paturay tineung SMPN 2 Pameungpeuk Kabupaten Bandung.

( 4 urang  di panggung; saurang ngaringkuk bari diharudum sarung semu anu tiris, duaan keur metikan kangkung , nu hiji deui keur ngalamun semu nu binggung) 

P1: ( kanu diharudum p4) 

        Kayu bala kembang kerisan

        Ayana di pangikiran

        Dari pada baraya ka tirisan

        Mending urang sisindiran

P2: Enya ieuh....( bari nyigeung kanu keur diharudum p4)

       Mobil butut endut endutan

       Jalanna ka pasisiran

       Dari pada baraya nundutan 

       Mending urang sisindiran

P3: eh.naon (sebut nama p5) ngalamun wae

 p5: puguh ge

        Mencit meri dina rakit 

        Boboko wadah bakatul  

        Lain nyeuri ku panyakit

        kabogoh direbut batur

P3: oh kitu kutan teh, keun bae tong jadi pikiran jeung ngadon             

        ngalamun, kieu geura

        Dimana aya halimun

        Ayana dipasisian

        Dari pada ngalamun

        Mending urang sisindiran

P5: tapi keukeuh ieu teh teu bisa poho

       Air hangat air mendidih.        

       Cikalapa dina tangkalna

       Ari inget meni sedih

       Cimata maseuhan bantal

       (Hing... ceurik)

(P1,p2, p4 nyampeurkeun ngilu ngupahan)

 P1: gening meni mendalam kitu, geus sing kuat, anggur mah geura pasrah ka pangeran.

   Ka leuweung bade melak tomat

    Disarengan ku ki sobat

   Euweuh obat nu mujarab

   Iwal ti kudu solat

P2: sabar mudah mudahan buru buru aya gantina

P4: eh cuy itu saha? (Bari nunjuk ka wanoja nu ngaliwat)

P1, p2, p3, p5: mana....mana... mana?

P5: euleuh enya ( bari nyampeurkeun)

P6: (bari luwa lewe)

       Saung puspa aya tujuh

       Ekek paeh dina sujen

       Lamun suka geura pungguh

       Ulah daek kanu sejen

P5: alah leres eta teh neng? (Bari semu nu era, nutupan beunget ku sarung nu disolendangkeun)

P6: jauh jauh manggul awi

       Nyiar nyiar pimerangeun

      Jauh jauh neang abdi

      Nyiar nyiar pimelangeun

( tos kitu dut weh hitut)

P1: alah eta naon( bari neangan sora dina bujur p6)

        Ecet ecet oet oet

        Barudak ngarurek belut

        Kapelet maneh kapelet

        Ku eneng nu gede hitut

       (Bari nutupan irung)

P6: (semu nu era) alah eta mah teu kakemot, mangkaning aya ibu kepala sekolah, eh eta bu nina ge aya gening di pengker... isin ah( nyumput dina tukangeun pemeran nu lain)

P2: naha atuh ari kamu, tapi... lamun maneh bener bogoh ka p 6 sok kieu geura...

       Lamun maneh boga keris

       Sok paehan lauk hiu

       Lamun maneh bisa basa inggris

       Sok naon hartina I love you

P3: sok naon awas mun teu bisa isin atuh ku miss Rini anu nembe mulih ti australi.. ya miss..hello how are you?, bisa siah urang ge, urang mah moal ngerakeun bu nina.

p5: ( bari nyampeurkeun p6) 

       Euheumm....g

       Meni hayang buah manggis

       Menangna malah yuyu

       Iyeuh neng anu geulis

        Abdi I love you

P1: eh naha jadi ngalantur ieu teh. Hey, hey, hey,  pan urang teh keur aya dina acara paturay tineung, kasempetan urang anyeuna, ngabubarkeun dosa ka babaturan sareng ka bapak ibu guru.

P4 : muhun rumaos abi mah bedegong, seueur dosa ka (.... sebutan guru guru anu haradir) 

P2: muhun abi ge sami

       Boh bilih ngical kalapa

        Nyandakna nganggo carangka

        Boh bilih kalindih murka

        Mugia kersa ngahampura

P6: abi eun...

        hirup kumbuhan manusa 

        Tangtu kungsi haram jadah

         Kuring pasrah tumarima

         Laku lampah teu merenah

P5: muhun punten ka sadayana kana sagala kaalpaan abi sadaya.

P1, p2, p3, p4, p5, p6  ( babarengan)

         Saninten buah saninten

         Daun cau ditilepan

         Hapunten abi hapunten

          Kana sagala kalepatan

( sadaya pamaen turun panggung nyapeurkeun bapak sareng ibu guru kanggo sasalaman nyungkeun hapunten)